كل طلبيات التجنيد هنا

yaf كتب:

شهر جويلية الى 10اوت عاادة من كل سنة مرة واحدة

بارك الله فيك و اين يتم التكوين هل في بومرداس ام في سيدي بلعباس للظباط

أعتذر وشكرا على التنبيه

أخت نوال هل تقدري تعرفي ويكتا تفتح تاع الجيش وأنا راح نقاجي وعندي نيفو باك بصح راح أول مرة نفوت واش يعطوني رتبة علما أنا سني 19

BARMODA كتب:

أخت نوال هل تقدري تعرفي ويكتا تفتح تاع الجيش وأنا راح نقاجي وعندي نيفو باك بصح راح أول مرة نفوت واش يعطوني رتبة علما أنا سني 19

على حد علمي ايداع الملفات يكون من جويلية الى 10 اوت كاخر اجل من خلال دليل التجنيد 2009
بالنسبة للتربة نعرف واحد مثل حالتك نيفة باك داخل sergent
بالتوفيق

الله يعزك أخت نوال الله يعطيك ما تتمناي وشكرا على الأنتباه

BARMODA كتب:

الله يعزك أخت نوال الله يعطيك ما تتمناي وشكرا على الأنتباه

اااامين لينا ولأجمعين
العفو أخي نساعد بواش نقدر
نحن في الخدمة

aek كتب:

nawal29 كتب:

hamzarussia كتب:

واش خاوتي مازلت نسانا في الرد نتاعكم ؟؟؟

حقا اسفة بصح واش تحب نقولك درك نزيد نستفسر من عند زملائي لان اولياؤهم كلهم من الجيش

الرجاء الحفاظ على السرية , فأنتي على النت و عرضة لأي شيئ .................مع تقبل الرأي .
تحياتي .

أخي aek أنا طرحت مشكلتي عليكم و استنيت منكم رد و من الاخر سِؤالي كان : هل هناك فرص لي بعد إعادتي لعام جامعي ؟ ما رانيش نحوس على أسماء و لا ألقاب و لا عناوين أنا نحوس على حلول لمشكلتي ؟ و نزيد نقولك حاجة مشكلتي حقيقية ماشي من صنع خيالي ! المهم تشكر كثيرا على رأيك الصريح و المتسرع بعض الشيئ ! و أختي nawal إذا كاين جديد رجاء بلغيني ( فقط إذا يقبلوني ولا لالا في المدارس لي ذكرتها من قبل )! ..................السلام عليكم .

بارك الله فيكم

السلام عليكم
ممكن من فضلكم ان اعرف متى يتم ايداع الملفات للالتحاق بالدرك الوطني دركي عون ما هي الشروط الواجب توافرها في المترشحين من سن و مؤهلات وشكرا لكل أعضاء المنتدى الرائع
[center]

hamzarussia كتب:

السلام عليكم ورحمة الله تعالى وبركاته................
إخواني في الله أشكركم على مجهودكم الكبير و المضني في تعريفنا بجيشنا الأبي السيف الحاد و القاطع في وجه اعدائنا , أما بعد ......................
فإني أريد طلب توجيهات من إخواننا المطلعين على ميدان الجيش و العاملين في هذا الميدان بخصوص أمر لطالما سبب لي الحيرة , قصتي تبدأ منذ صيف عام 2008 حيث تحصلت و الحمد لله على شهادة البكالوريا وقد عزمت على الإلتحاق بالجيش كضابط لتوفر كل الشروط في و لكون هذا حلمي منذ الصغر, لكن رضوخا لإلحاح الوالد قررت الدراسة عام في الجامعة - كيمياء و محروقات بومرداس - وبعد ذلك الإلتحاق بالجيش لكن حدث مالم يكن في الحسبان فقد رسبت العام الأول وبعد مواظبة إستطعت العودة و النهوض من جديد وبمجرد نجاحي و انتقالي الى الثانية جامعي ذهبت إلى القليعة (المدرسة العليا للإشارة) لكن تم رفض ملفي بحجة إعادة عام في الجامعة كم تم رفض ملفي بالأكاديمية العسكرية لمختلف الأسلحة بشرشال , وبعد شد و جذب و بعد كل جهود الوالد بإعتباره عقيد في الجيش - تخصص هندسة القتال الناحية العسكرية الخامسة - فقد باء كل شيئ بالفشل و أنا إستسلمت لشيئ لطالما أقسمت بعدم دخوله و هو الجامعة , ووجه والدي طلب توصية ( إمتياز يمنح لكل ضابط سامي ) لقبولي في الجيش إلى قائد الأركان السيد قايد صالح لكن لا حياة لمن تنادي فلم يتم تبليغنا بالقبول او الرفض , و بالتالي أنا أتوجه إلى إخواني في المنتدى بإستفسار بخصوص الحظ الباقي لي بشأن الأمن العسكري , و التكوين الخاص بعد الحصول على شهادة مهندس الجامعية, و المدرسة المتعددة التقنيات بالبرج البحري , فهل يؤثر إعادتي لعام في الجامعة بإلتحاقي بالمدارس السابقة ؟
......................أرجوا من المطلعين على الميدان إفادتي و لكم مني فائق الإحترام والتقدير ...................
أخوكم : حمزة.خ - ولاية باتنة

كيما وعدت خوي استفسرتلك من جميع الجهات وقالولي ماياثرش اعادة عام في الجامعة لكن يجب ان تستوفي شروط التجنيد كما تفضل الاخ aek وادا كاش ماكاين جديد راني نقولك
..........بالتوفيق...
وكيما قتلك هدا شيء عادي قع ماتتقلقش يفرج ربي

السلام عليكم أنا أريد الرأي تاعكم واش لوكان يقبلوني في الدرك الوطني برتبة كابران هل هي مليحة ولا ماشي مليحة وماهي أفضل فصيلة زعمة حرس حدود ولا تاع براجات أرجو الردود منكم

السلام عليكم الى الأخ حمزة لقد أستفسرت عن مشكلتك و أخبرونني ان أعادة عام في الجامعة يأثر و انا نعرف ناس دخلوا للجامعة ونجحوا بالدورة الأستدراكية و مقبلوهمش و راه كاين قانون نظن بلي راه قديم شوية من 2009 بلي معادوش يقبلوا الجامعيين اصلا باه تدخل لشرشال لازمك معدل 12 و تروح من العام لي ديت فيه الباك نتاعك مثلا كيما نتا كون رحت في صيف 2008 بصح كي عاد الوالد نتاعك (ربي يحفظوا) عقيد في الجيش كاين أمتيازات وهي من حقك تدخل لشرشال حتى بمعدل 10 في الباكلوريا و أنا متأكد من هذا.

السلام عليكم
ممكن من فضلكم ان اعرف متى يتم ايداع الملفات للالتحاق بالدرك الوطني دركي عون ما هي الشروط الواجب توافرها في المترشحين من سن و مؤهلات وشكرا لكل أعضاء المنتدى الرائع وأنا في إنتظار الرد من الأخوة

نشكركم خاوتي بزاف كي درتوا مجهودكم و إن شاء الله نطلع هذا العام و نجرب حظي و لي كتبها ربي هذيك هيا .....................................شكرا جزيلا لكل أعضاء المنتدى .

السلام عليكم أنا أريد الإنحراط في البحرية الجزائرية
لكن أسناني مسوسة هل يعتبر عائقا لقبولي أرحو المساعدة بسرعة

أنا آسف

السلام عليكم أنا عمري 19 وعندي مستوى الباك يقبلوني ولا لا وماهو أقرب وقت يفتحو فيه علما أني من ولاية الجلفة ونزيدك أنا شعبة هندسة كهربائية وماهو رأيكم بالنسبة للمستوى والسن الدرك الوطني أم الجيش الوطني

ممكن من فضلكم أريد ان اعرف متى يتم ايداع الملفات للالتحاق بالقوات البحرية و ما هي الشروط الواجب توافرها في المترشحين من سن و مؤهلات وشكرا لكل أعضاء المنتدى الرائع وأنا في إنتظار الرد من الأخوة

.