حوار مع عامل .بمناسبة عيد العمال

بسم الله الرحمن الرحيم
وكما وعدتكم اخواني اعضاء المنتدى .ان اجري حوارا مع عمامل من عمال الجزائر الدي يشتغل في مؤسسة تقدم خدمات جليلة للمواطن
وهم حقيقة تنطبق عليهم كلمة //جنود الخفاء //.لانهم يقومون بواجبهم في صمت .تجدهم افي كل حي وشارع يعملون .بهمة .عالية لا يكلون ولا يملون
انهم رجال ..النات كوم ..او ما يسمى بالعامية كلبالون .....وفي الحقيقة ..كلبال ..حاشاكم هو من يرمي ..وليس من يجمع القمامة ..
واليكم الحوار
.السلام عليكم
---وعليكم السلام ورحمة الله تعالى وبركاته
---اول سؤال
--ما اسمك
--لخضر
--انا ساناديك عمي لخضر
--كم عمرك
59سنة
--الله يبارك
يبارك فيك وليدي
--عمي لخضر..انا اريد ان اطرح عليك بعض الاسئلة ..على شكل ..سؤال وجواب
--
تفضل
انا اوراس 54.من منتدى الجيش الوطني الشعبي وهو منتدى غير رسمي يهدف الى التعريف بالجيش الوطني الشعبي ...هل تعرفه
ج--لا اعرفه
س--انا الان عرفتك به
ج--الله يبارك في اولادنا .وجيشنا وربي يعاونكم
س--في البداية كم سنة وانت تعمل في هده المؤسسة
ج--اعمل هنا مند 15سنة
س--ساترك لك المجال لتحكي لنا عن العمل والاحوال
ج--التحقت بالمؤسسة كعامل نظافة مند 15عشر سنة ولم اختر هده المهنة وانما هي من اختارتني ..في البداية دخلت كعامل بسيط في البلدية .اقلم الاشجار واقوم باعمال كلما طلب مني دلك ..اعمال مختلفة .كتنظيف المقبرة .او في مخازن البلدية
ثم بعددلك .اعطوني جرار واربعة عمال .نقوم بالدورية .لنملا الحفر بالرمل في الطرقات .ونطلي الاشجار بالابيض .عند زيارات المسؤولين
يعني طق هنا وطق الهيه
ولما اقتنت البلدية شاحنة القمامة خيرونا بالعمل فيها او ممارسة اعمال اخرى .وجائني المسؤول .وقال لي .....يتبع..........

...............لخضر ما رايك لو تعمل في الشاحنة الجديدة كمسؤول
فقبلت على الفور لان كلمة مسؤول بدت لي مليحة ..
س..يعني اتحب المسؤولية
ج--يضحك ثم يقول ومن لايحب المسؤولية .كانت البلدة صغيرة وعملنا سهل نجوب الشوارؤع في الليل وفي ضرف ساعتين فقط نكون قد اكملناعملنا .وعدنا الى بيوتنا
س--عمي لخضر مالفرق بين البارح واليوم
ج--يتنهد ..ويقول --ايييييه بين البارح واليوم فرق كبير .البارح كان المواطن ما يرميش القمامة بزاف
وحتى ادا رمى يرمي الا الفضلات صح .يعني الحاجة اللي ما يحتاجهاش
اما اليوم فالحمد لله كي راه ربي يعطينا فالرزق .ويصب المطر
س--مادا تعني يا عمي لخضر ؟؟
ج--والله ياوليدي النعمة اللي نلقاوها في القمامة يعلم بيها غير ربي .تصور -نجد اكياس من الدقيق ..اكياس من الكسكس .اما الخبز فقيمة ما نوكل بيه قرية .......................يتبع بعد الصلاة ...

...............اما الفضلات من الفواكه والخضر .فبقدر ما تملا سوق مغطاة
الناس اصيبوا باللهفة .يشتري القفف ثم يرميها ويقولمن كيفاش ربي ما يطرحش البركة ؟؟
س..عمي لخضر..هدا في الفطر مادا عن رمضان ؟؟
ج....في رمضان ..الكسرة والخبز ..وخاصة الخبز نجده اكوام في الاكياس ..ومن جميع الانواع ..البريوش خبز الشعير ....ووووو
س--عمي لخضر ..مادا يتعبكم
ج..الخدمة ما تعبش ..العوج هو اللي يتعب .صناديق القمامة موجودة في كل ركن ولكن كثير من المواطنين يرمونها في الطريق .ومن الشرفات .وفي بعض الاحيان تجد اكياس مملوئة بالحجارة
او الجبس والله عيب هدا .نعن عباد وليس الات
س--عمي لخضر .الراتب حدثنا عن الراتب
ج-واش انقلك .الزوج دورو الي يعطيوهمنا وا يخلصوش حتى الدوا .لان كثير منا مصاب بامراض مزمنة .كالحساسية .والربو ..الخ
س--ولكن يقولون ان هناك تكفل تام بكم
ج..هههههههههه-بعد مادا .بعد فوات الاوان اخيرا تكفلوا بنا ولكن انتهى الامر .كبرنا .ونحن على ابواب التقاعد
س-عمي لخضر كلمة اخيرة
ج--انقول للمواطنين اتقوا الله فينا .اخرجوا القمامة في الليل .ولا تعطوها للاطفال لانهم يرمونها في اي مكان ولا ترموا نعمة ربي .ضعوها في اكياس مغلقة وضعوها جانبا ...ولا تبدروا
المبدرون راهم خاوة الشواطن
س--عمي لخضر يعطيك الصحة على هدا الوقت وربي يحفضك ونتلاقاو ان شاء الله في ساعة الخير
................هدا حوار مع عامل من عمال الجزائر بمناسبة اليوم العالمي للشغل
وقد صورت بعض المشاهد لكن النقال ما حبش يكوناكتي .ادا صلح ساضعها ان شاء الله اتمنى ان تكون نالت اعجابكم ..................سلام

احسنت اوراس عمل جميل

شكرا لك دائما في الموعد في انتظار مواعيد ومقابلات اخرى وتحية لكل العمال

OFP كتب:

+++ لك على المجهود المبذول وعلى التعريف بالمنتدى بطريقة مباشرة في أوساط الشعب في انتظار
أن تقوم بذالك في أوساط الطبقات المثقفة للإنضمام إلينا
لكن إحذر فمن سينضمون بسببك سيكونون أعضاء عرفوا ورأو أوراس قيييييييه قيييييييه قيه

وهدا هو مشروعي .لقد عرضت فكرة المجلة على عدد من الدكتارة والاساتدة .ووعدوني.بالمشاركة بمواضيع عديدة
اطمئن اوراس معروف