هل طولك يناسب وزنك أدخل هنا لتعرف ذلك؟؟؟

هههه انا كنت دايرك كوموندوس في بالي....الله يعاونك.....الا حبيت نجي نطبع معاك.

أوكي شاف مالا كي رانا كيفكيف ، اتهلا فيا و ما تبيتنيش فالقاريطا أوكي شاف ؟

شاف وي شاف، لي تشوفوها صح ديروها. ههههههههه

هههههههههههههههههههههه ياو راني لقيت 29.64 .............................. من فظلكم حمية إن أمكن على خاطر المدام راني قاتلي راك بديت تسمن وأمنتهاش ........
المساعدة إن أمكن ......................؟؟؟؟؟؟؟ في انتظار ردكم ولكم مني جزيل الشكر

بارك الله فيك مع احترامي الكامل لك ، ولكن لدي مشكل أكبر من الوزن يا أخي المدير وهو راني مسودي يعني راني ملحم ، عندي قريب عامي ماجريتش واش تحبني ندير في هذي الحالة ، يعني انا نكره الرياضة ونكره الجري اصلا ، وزيد عندي قريب 10 سنوات تدخين .

ههههه
على بالك المشكل مالا راه نفسي لازم قبل تقنع روحك بلي لازم تدير الرياضة ابد بالتدرج برك قال مثلا كل يومين نصف سااعة لمدة شهر ثم الشهر الذي بعده ساعة كل يومين وهكذا حتى تصل ألى رتم معين اثبت عليه
اما مشكل الدخان أعلم أنه من الصعب تركه خاصة في حالة الإدمان لكن الرياضة تحل بعض مشاكله ولما لا بمشيئة الله تقلع عنه نهائيا خصوصا في الفترات الرمضانية كل شيء بالإرادة يا أخي وثاااني رااااااحة البال

أحسنت قولا شاف ياف، الرياضة ملييييييييييحة بزاف وادا حبيت تبطل التدخين لازملك تكتر من لعب كرة القدم هكا باش كي تولي تجري مليح في الملعب، أوتوماتيكيا راح تبدا تنقص الدخان باش تولي تقدرتشد في مدة المباراة كاااااااملة.هههه

لازم نزيد شوية بحوالي 4 كيلو
ههههههههههههههههههههه

اي راك كيما النملة ياف تبانلي باش تدخل لازم تولي فيل

أنا 19

لقيت روحي 24 كي العادة راني غير نحافظ على الوزن بقدر الإمكان لازم نبقى تحت 83 و راني 84 نكره الحمية المهم نمدلكم ريجيم مليح لي حاب ينقص
1-عدم الأكل إلا في أوقات الأكل لأن الأكل في مختلف الأوقات هو لي يزيد في الشحمة مما يؤدي إلى البدانة.
2-أخذ وجبة فطور صباح جيدة للحصول على الطاقة التي نحتاجحا في أنشطتنا:ليس المقصود بكلمة جيدة الإكثار من العجائر و السكريات إنما شيء قليل جدا منها و شرب عصير طبيعي مع حليب بقهوة أو من دونها.
3-الأمر الأصعب و هو الفطور في منتصف اليوم من الأحسن تناول صحن من الرز الجاف مع شيء آخر شرط أن لا يكون مليئ بالدهون
4-نلاحظ انتشار ظاهرة وجبة مع وقت العصر إلا انه من الأحسن تجاوزها بكاس من عصير فاكهة.
5-العشاء هذه الوجبة لا تفيد مثل الغذاء و غنما الأكل الكثير لا يسمح بالنوم جيدا و يزيد من توتر الفرد ففي هذه الوجبة لا نحتاج إلا طاقة لاننا سننام بعدها لذا فعدم تناول أي فيتامينات في العشاء أمر ضروري لأن تناولها لا يسمح للفرد أن ينام و ما يجب أكله هو سلاطة خفيفة مع شيء آخر كذالك خفيف لا يجب أن تشعر بالبشبع في العشاء و لا الفطور.
ربما هذه أكبر تضحية ألا أنه بعد 6 أشهر و بإذن الله من يكون جد بدين يصبح في اللياقة
و نصيحة اخرى حاولوا عدم النظر ي محلات بيع الحلويات.