كل طلبيات التجنيد هنا

مشكور أخي,,,
وهل من جديد حول القوات البحرية؟؟؟؟؟

المعدل 12 في القوات الجويه يروح fusil de l'air
المعدل 15 قوات بريه يروح لألمانيا
كلش بالمكتوب

fr_houssem كتب:

مشكور أخي,,,
وهل من جديد حول القوات البحرية؟؟؟؟؟

يا اخي القوات البحرية راهم خلصو القوائم...لعام لجاي ان شاء الله...

السلام عليكم عيوطلي الطب العسكري وطلبوا مني ملف باه نجيبوا وفي الملف كاين توجيه ....هادي انا ما عنديش كي حبيت نخرجها من الموقع لقيتوا مغلق من فضلكم ماذا اعمل راني مقلق

achwak كتب:

fr_houssem كتب:

مشكور أخي,,,
وهل من جديد حول القوات البحرية؟؟؟؟؟

يا اخي القوات البحرية راهم خلصو القوائم...لعام لجاي ان شاء الله...

أقصد استدعاء أو اتصال للإلتحاق بشرشال؟؟؟؟؟

dz4ever كتب:

المعدل 12 في القوات الجويه يروح fusil de l'air
المعدل 15 قوات بريه يروح لألمانيا
كلش بالمكتوب

ما فهمتكش خويا واش تقصد بالقوات الجويه يروح fusil de l'air
وقوات بريه يروح لألمانيا

ياريت توضحلي اكثر

الاخوة اريد السؤال عن الدفاع الجوي عن الاقليم تاع الرغاية عيطولهم ولا ما زال للفحص في شرشال

و الله عاجل ي الاخوة الطلب اعلاه

واحد ماحب يجاوبنا
حنا تاني اعضاء كيما الاعضاء الاخرين

انا ثاني طلبولي التوجيه بصاح ماعنديش اني أسأل اهل المعرفة بالموضوع ما العمل .

kikimo01 كتب:

السلام عليكم عيوطلي الطب العسكري وطلبوا مني ملف باه نجيبوا وفي الملف كاين توجيه ....هادي انا ما عنديش كي حبيت نخرجها من الموقع لقيتوا مغلق من فضلكم ماذا اعمل راني مقلق

أنا ثاني عيطولي و قالولي جيب التوجيه وانا ماعنديش . بصاح كي عيطلهوم قالولي جيب واش عندك و الباقي مبعد. نتايا وقتاه دير لافيزيت .

soud كتب:

بما أنا الجميع يسأل ويستفسر حول القوات الجوية ها أنا اقول له كل ماتم معي

أنا من الناحية العسكرية الرابعة كنت بالامس وقبلها في شرشال ( ملحقة عبان رمضان )

وصلنا اليوم الاول ريحنا فيه وغدوة داونا لتاع الدوسيات يراقبوهم ويكاشونا في ورقة فيها 3 حوايج ( مربع خاص بالدوسي - مكان خاص بالطبيب - مكان خاص بالرياضة )

لازم تكون فيهم في 3 مقبول باش تنجح

اذا كاشولك الاولى تاع الدوسي يدوك بالبيس الى العيادة باش تفوت لا فيزيت

وهنا المرض الكبير فيها قداه بيرو يعطوك ورقة تهزها معاك وتفوت بالواحد

كاين الطول الوزن لاطونسيو مراقبة عامة لجسمك القلب العظام طبيب نفسي ...

هنا الخدمة يقولوا بلي راهي قد قد وماكانش معريفة

يكذب عليك كاين اللي متقلبوش ديراكت فاتو لانهم معارف

اللي عندوا معريفة يفوت واللي معندوش يا كلو الدود

كاين واحد اخوس وقبلوه وأنا 10/10 ما قبلونيش !

كاين واحد شاق في كرشوا وقبلوه وعادي

ما عندي مانحكيلكم

كي تفوت لا فيزيت وتوصل لآخر حاجة وهي الطبيب النفسي ويعطيك وراقيك تخرجهم لبيرو مقابلوا معناها راك مقبول تبقى تستنى يعيطولك ويدوك للفوق للإقامة تبات يوم

وغدوة تدير سبور وفيها تجري 12 دقيقة ريتم خفيف المهم ماتحبسش و سرعة ممكن 100 متر

اذا نجحت فيهم في 3 يحفوفلك راسك ويعطوك الكومبة في يومها ومبروك عليك مبدأيا فقط ولا تفرح

لانه ممكن يخرجوك اذا جاء واحد اكبر منك في المعدل يربملاسيك

لعلمك كاين صحابي من الناحية الرابعة بمعدل 12.00 راهم في القوات الجوية وكاين اخرين ب 15.00 راهم في القوات البرية

ربي يوفقكم ويكون في عونكم

يا اخي سؤال واحد فقط الاكاديمية فيها مسجد و لا ماكاش

السلام عليكم كشما سمعتو على المعتمدية بداو يعيطو للإنتقاء الثاني ولى مازال ؟

المعتمدية عيطو في 15 اوت واو مازالو يعيطو

soud انا عيطولي انتاع شرشال .امي ماركيت جوية وبرية وعديت الفحص انتاع الجوية او هوما كي عيطو لمن تابعين جوية ولا برية

والاخت ميرا واش نقولك علي السوجي نتاع مدرسة الهندسة في الرويبة النار شاعلا فيه ماتلفي مناين تبدي واي راها علي ربي

معتمدية ضباط صف وكتاش يبداو يعيطوا؟تاع قالمة ؟

لا هدرتلك علي الضباط عيطولهوم لوهران

السلام عليكم خاوتي ، عندي سؤالين الرجاء الإجابة عليهم بكل موضوعية وبدون ذاتية ولا تخربيش

عيطولي تع الجوية وحطينا الدوسيات ويوم 24 نروحو للدار البيضاء نباتو ثما ونروحو بعدها لشرشال في 25 نديرو رياضة وماعلاباليش لاخر ، المهم في الاستدعاء كاتبين : إحضار لوازم النظافة في حال تم القبول . مافهمتش ادا تريح ثم بعد السبور يعني من 25 وانتا ثم ؟؟؟ ولا واش المقصود بها ؟؟؟

ثانيا : هل الدخل العسكري يختلف مثلا بين مهندس الطيران والطيار حتى وان كان التخرج بنفس الرتبة العسكرية ؟؟؟؟

مشكورين

LOU chougui كتب:

kikimo01 كتب:

السلام عليكم عيوطلي الطب العسكري وطلبوا مني ملف باه نجيبوا وفي الملف كاين توجيه ....هادي انا ما عنديش كي حبيت نخرجها من الموقع لقيتوا مغلق من فضلكم ماذا اعمل راني مقلق

أنا ثاني عيطولي و قالولي جيب التوجيه وانا ماعنديش . بصاح كي عيطلهوم قالولي جيب واش عندك و الباقي مبعد. نتايا وقتاه دير لافيزيت .

انا قالولي ارواح نهار الاحد على الثامنة و النصف ...................ادا حبيت نتواصلوا من قبل باه نتلاقوا تما
ادا حبيت عطيني الفايسبوك نتاعك

جوبولنا على الاستفسار يرحم والديكم راه عندو 2 جور في الصفحة 105 بخصوص الدفاع الجوي نتاع الرغاية عيطو و لا مازال لفحص شرشال
و اجركم على الله

السلام عليكم خاوتي ، عندي سؤالين الرجاء الإجابة عليهم بكل موضوعية وبدون ذاتية ولا تخربيش

عيطولي تع الجوية وحطينا الدوسيات ويوم 24 نروحو للدار البيضاء نباتو ثما ونروحو بعدها لشرشال في 25 نديرو رياضة وماعلاباليش لاخر ، المهم في الاستدعاء كاتبين : إحضار لوازم النظافة في حال تم القبول . مافهمتش ادا تريح ثم بعد السبور يعني من 25 وانتا ثم ؟؟؟ ولا واش المقصود بها ؟؟؟

ثانيا : هل الدخل العسكري يختلف مثلا بين مهندس الطيران والطيار حتى وان كان التخرج بنفس الرتبة العسكرية ؟؟؟؟

خو بلاد بيسطو ادي معرفة معاك وي
لوكان تروح هكداك يضيعولك وقتك هدا مكان

السلام عليكم يرحم بوكم
ممكن تعطوني معلومات على المدرسة نتاع جيجل
ماشي نتاع الرماة والغطاسين .......نتاع المدرسة التطبيقية لجند البحرية الناحية العسكرية الخامسة

شكرا

أمين تاع المعتمدية عيطولهم باش يروحو لشرشال يديرو لإنتقاء الثاني ولى مازال ؟